«Челси»дан ижарага олинган «Бавария» ҳужумчиси Николас Жексон А Серияда пайдо бўлиши мумкин.

Мюнхен клуби футболчини сотиб олмасликка қарор қилди, «Челси» ҳам сенегаллик форвардга асосий эътиборни қаратмаслиги аниқ. Журналист Флориан Плеттенбергнинг маълумотига кўра, «Ювентус» вазиятни кузатиб бормоқда — туринликлар ижара вариантини кўриб чиқишяпти. Шунингдек, ҳужумчи билан шартнома имзолашга «Милан» ҳам қизиқиш билдирмоқда.

Николас Жексон «Бавария»даги жорий мавсумида 30 та ўйинда майдонга тушиб, 10 та гол ва 4 та голли узатмага муаллифлик қилди. Transfermarkt портали талқинига кўра, 24 ёшли футболчининг айни дамдаги бозор қиймати 40 миллион еврони ташкил этади.