«Chelsi»dan ijaraga olingan «Bavariya» hujumchisi Nikolas Jekson A Seriyada paydo bo‘lishi mumkin.
Myunxen klubi futbolchini sotib olmaslikka qaror qildi, «Chelsi» ham senegallik forvardga asosiy e’tiborni qaratmasligi aniq. Jurnalist Florian Plettenbergning ma’lumotiga ko‘ra, «Yuventus» vaziyatni kuzatib bormoqda — turinliklar ijara variantini ko‘rib chiqishyapti. Shuningdek, hujumchi bilan shartnoma imzolashga «Milan» ham qiziqish bildirmoqda.
Nikolas Jekson «Bavariya»dagi joriy mavsumida 30 ta o‘yinda maydonga tushib, 10 ta gol va 4 ta golli uzatmaga mualliflik qildi. Transfermarkt portali talqiniga ko‘ra, 24 yoshli futbolchining ayni damdagi bozor qiymati 40 million yevroni tashkil etadi.
