Мавсум якунланишига беш тур қолганда «Барселона» Ла Лигада «Реал»ни 11 очкога ортда қолдирмоқда. Каталонияликлар навбатдаги турдаёқ чемпионлик унвонини қўлга киритишлари мумкин. Бунинг учун улар «Осасуна»ни мағлуб этишлари, «Реал» эса «Эспаньол» билан ўйинда очко йўқотиши лозим.

Агар ушбу сценарий амалга ошмаса, у ҳолда «Барселона» 10 май куни бўлиб ўтадиган «эл-класико» натижасига кўра чемпионга айланиши мумкин.

Ҳар иккала ҳолатда ҳам «Барселона» Ла Лига чемпионлик кубогини «Реал»га қарши ўйин якунланиши билан қабул қилиб олади. Бу ҳақдаги маълумот Catalunya Radio эфирида янгради.

Шунга қарамай, «Барселона» учун тақдирлаш маросими ҳақида ўйлашга ҳали эрта. «эл-класико»дан кейин ҳам Испания чемпиони номи расман аниқланмаслиги эҳтимоли йўқ эмас.