Сешанба куни «Бавария» Чемпионлар лигасининг дастлабки ярим финалида сафарда «ПСЖ»га имкониятни бой берди (4:5). Мюнхенликлар ҳужумчиси Ҳарри Кейн 6 май куни «Альянц Арена»да бўлиб ўтадиган жавоб учрашувидан нималар кутаётгани ҳақида гапириб берди.
«Биз худди шундай шиддатни сақлаб қолишимиз керак — кейинги ҳафтада бу жуда асқотади. Ҳаммаси ким ўз имкониятларидан яхшироқ фойдаланишига боғлиқ бўлади. Бугун вазиятлар кўп бўлди ва жавоб ўйинида ҳам, эҳтимол, шундай манзарани кўрамиз. Ўз майдонимизда, мухлисларимиз қўллаб-қувватлаши остида ғалаба қозонишга умид қиламиз», — дея инглиз футболчисининг сўзларини келтиради УЕФА.
Ҳарри Кейн Париждаги баҳснинг 17-дақиқасида пенальтини аниқ амалга ошириб, ҳисобни очган эди, шунингдек, 68-дақиқада Луис Диасга голли узатма етказиб берди.
