Чемпионлар лигасининг дастлабки ярим финал учрашувлари бўлиб ўтди.

Сешанба куни «ПСЖ» ўз майдонида «Бавария»дан устун келди (5:4), чоршанба куни эса «Атлетико» ва «Арсенал» Мадриддаги баҳсда ғолибни аниқлай олишмади (1:1).

Opta суперкомпьютерининг янгиланган ҳисоб-китобларига кўра, жорий вазиятда «Арсенал» турнир фаворити бўлиб қолмоқда — уларнинг ғалаба қозониш имконияти 39% га баҳоланмоқда. Иккинчи ўринни қарийб 31% кўрсаткич билан «ПСЖ» эгаллаб турган бўлса, учинчи поғонада «Бавария» (22%) қайд этилган. Айни дамда совринни қўлга киритиш учун энг кам имконият «Атлетико»да — 8% дан кам.

Жавоб учрашувлари 5 ва 6 май кунлари мос равишда Лондон ва Мюнхенда бўлиб ўтади. Финал баҳси 30 май куни Будапештда ўтказилади. Турнирнинг амалдаги ғолиби — «ПСЖ».