«Барселона» сафида ижара асосида тўп сураётган «Ал-Ҳилол» ҳимоячиси Жоау Канселунинг келажаги номаълумлигича қолмоқда. Каталония гранди португалиялик футболчини ўз сафида сақлаб қолиш ниятида ва бу борада амалий ишларни бошлаб юборган.
Sport нашрининг хабар беришича, клуб раҳбарияти ижара муддатини узайтириш ёки ярим ҳимоячи Марк Касадони трансферга қўшган ҳолда тўлиқ сотиб олиш вариантларини кўриб чиқмоқда. Бироқ журналист Габриэль Санснинг таъкидлашича, Саудия Арабистони клуби Канселунинг кетишига унчалик хайрихоҳ эмас ва музокараларда қийинчиликлар туғдирмоқда.
Вазиятнинг қандай якунланиши кўп жиҳатдан футболчининг агенти Жорже Мендешга боғлиқ бўлиб турибди.
Маълумот ўрнида, 31 ёшли футболчининг бозор қиймати Transfermarkt портали томонидан 9 миллион еврога баҳоланган.
