Лондоннинг «Арсенал» клуби ҳужумчиси Виктор Дьёкереш Чемпионлар лигаси ярим финали доирасида «Атлетико»га қарши кечган биринчи ўйиндан (1:1) сўнг ўз таассуротларини билдирди.
«Биринчи бўлимда ўйинни анча яхши назорат қилдик ва бир нечта хавфли вазиятлар яратдик. Уларнинг бирини голга айлантиришга муваффақ бўлдик. Бироқ иккинчи бўлимда «Атлетико» анча фаолроқ ўйин кўрсатишни бошлади ва якунда, балки, голга лойиқ эди.
Ўйин сўнггида бизда ҳам бир-иккита яхши имкониятлар юзага келди. Умуман олганда, жуда оғир баҳс бўлди. Мадридга сафар қилиш ва бу ерда ўйнаш доим қийин. Лекин шуни унутмаслик керакки, бу қарама-қаршиликнинг фақатгина биринчи ярми эди», — дея Дьёкерешнинг сўзларини келтирмоқда TNT Sports.
