Чемпионлар лигаси ярим финали доирасидаги «Атлетико» ва «Арсенал» ўртасидаги илк учрашув 1:1 ҳисобидаги дуранг билан якунланди. Мадридда кечган баҳсда жамоалар пенальтидан киритилган голлар билан алмашишди — дастлаб Виктор Дьёкереш меҳмонларни олдинга олиб чиққан бўлса, кейинроқ Хулиан Альварес мувозанатни тиклади.
Squawka статистика мутахассислари ушбу ўйиндан сўнг қизиқарли фактни тақдим этишди: Диего Симеоне «Атлетико» бош мураббийи сифатида ҳали бирор марта ҳам ўз майдонида Англия клубларига ЕЧЛ плей-офф босқичида мағлуб бўлмаган.
Ҳозиргача аргентиналик мутахассис қўл остидаги жамоа Мадридда АПЛ вакилларига қарши 7 та учрашув ўтказган бўлиб, уларнинг 3 тасида ғалаба қозонган ва 4 бор дуранг қайд этган. Эътиборли жиҳати, ушбу 7 та ўйинда «Атлетико» 7 хил рақибга қарши тўп сурган:
-
«Челси»
-
«Лестер»
-
«Ливерпуль»
-
«Манчестер Юнайтед»
-
«Манчестер Сити»
-
«Тоттенхэм»
-
«Арсенал»
