Саудия Арабистони чемпионати доирасида кечган «Ан-Наср» ва «Ал-Аҳли» жамоалари ўртасидаги учрашув меҳмонларнинг 2:0 ҳисобидаги ғалабаси билан якунланди. Бироқ Жидда клуби мухлислари мағлубиятдан сўнг Криштиану Роналдуга нисбатан ўзгача «аргумент»лар билан ҳужум қилишди.

Стадионга йиғилган мухлислар португалиялик юлдузга турли ишоралар орқали «Ал-Аҳли» икки бор Осиё Чемпионлар лигасида ғолиб чиққанини кўрсатишди. Маълумот ўрнида, Жидда жамоаси ҳақиқатан ҳам 2025 ва 2026 йилларда Осиёнинг энг нуфузли клублар турнирида зафар қучган.

Ўйиндан сўнг интервью бераётиб, «Ан-Наср» сардори рақиб мухлисларининг бу провокациясини жавобсиз қолдирмади. Роналду қўллари билан «беш» сонини кўрсатиб, ўзининг фаолияти давомида беш марта Европа Чемпионлар лигасида ғолиб чиққанига ишора қилди.

«Мен беш марта Чемпионлар лигасида ғолиб бўлганман», — дея такрорлаган Роналдунинг сўзлари видеокамералар объективига муҳрланган.

Эслатиб ўтамиз, Криштиану ушбу нуфузли совринни бир бор «Манчестер Юнайтед», тўрт бор эса «Реал Мадрид» сафида қўлга киритган.