Саудия Арабистони чемпионатининг 30-тури доирасида «Ан-Наср» клуби ўз майдонида «Ал-Аҳли»ни қабул қилди ва 2:0 ҳисобида ғалаба қозонди. Ушбу муваффақият Ар-Риёд клуби учун нафақат муҳим уч очко, балки тарихий рекордни ҳам тақдим этди.
Жорже Жезуш шогирдлари ички биринчиликда кетма-кет 16-ғалабасини расмийлаштиришди. Жамоанинг ушбу зафарли серияси жорий йилнинг 17 январидан буён давом этиб келмоқда. Бу кўрсаткич «Ан-Наср» клуби тарихидаги энг узоқ давом этган ғалабали серия сифатида рекорд сифатида қайд этилди.
Айни дамда Криштиану Роналду тўп сураётган жамоа турнир жадвалида биринчи ўринни эгаллаб турибди. Улар энг яқин таъқибчиси «Ал-Ҳилол»ни 8 очкога ортда қолдирмоқда. Бироқ, таъқибчи жамоа ҳисобида битта захира ўйини мавжудлигини инобатга олсак, чемпионлик учун кураш ҳали олдинда.
