«Вест Хэм»нинг собиқ бош мураббийи Сэм Эллардайс «Фулхэм» устози Марку Силвага «Челси»даги ишни қабул қилмасликни тавсия қилди.
«У «Челси»ни бошқаришни қанчалик хоҳламасин, агар «Челси» ўз тузилмасини ўзгартирмаса ва жамоа бошқарувини ислоҳ қилиш кераклигини тан олмаса, «Фулхэм»да қолиш яхшироқ эканини айтиш учун етарлича жасоратга эга бўлиши керак», — деди Эллардайс No Tippy Tappy Football Podcast нашрига берган интервьюсида.
Марку Силва 2021 йилдан бери «Фулхэм»ни бошқариб келмоқда. Айни дамда «дала ҳовличилар» унинг қўл остида Англия Премьер-лигаси турнир жадвалида 34 турдан кейин 48 очко жамғариб, 10-ўринни эгаллаб турибди.
