Франция терма жамоасининг собиқ ярим ҳимоячиси Кристоф Дюгарри Майкл Олисени Зинедин Зидан билан қиёслади.

«Бавария» вингери Чемпионлар лигаси ярим финали доирасидаги «ПСЖ»га қарши дастлабки ўйинда (4:5) гол уришга муваффақ бўлди.

«Биз ниманинг гувоҳи бўлаётганимизни ҳали англаб етмаяпмиз, у — ажойиб футболчи. Балки мен воқеалардан илгарилаб кетаётгандирман, лекин назаримда, унда Зиданга хос нимадир бор — тўпни бемалол назорат қилишида, танасидан фойдаланишида, чизиқлар орасида ҳаракатланишида ва ўйинни кўра олишида...

Биз янги юлдуз туғилишига гувоҳ бўляпмиз. Бу у қила оладиган ишларнинг ҳали бошланиши, холос. Менимча, у ҳақиқатан ҳам алоҳида иқтидор. У ҳамма нарсани билади! Гол ура олади, пас беради, югуради...

Яна ким Нуну Мендешга шунчалик кўп муаммо туғдирган? Ҳеч ким! Биз улкан бир жараённинг бошида турибмиз», — деди Дюгарри Rothen s’enflamme эфирида.