«Барселона» ва «Ливерпуль» жамоалари мавсумолди тайёргарлик доирасида Кения пойтахти Найробида ўртоқлик учрашуви ўтказиши мумкин. Бу ҳақда Sport.es нашри хабар берди.
Манбага кўра, 2026 йил июль ойида каталонияликлар машғулот йиғини учун Бирмингемга йўл олишни режалаштирмоқда. Шундан сўнг «кўк-анорранглар» ё Марокашда маҳаллий жамоага қарши ўйин ўтказади, ёки Кенияда «Ливерпуль» билан куч синашади.
Шунингдек, мавсумолди тайёргарликнинг сўнгги босқичида «Барселона» анъанавий Жоан Гампер кубогини ташкил этади. Ушбу мусобақа ҳар йили клуб томонидан ўтказилади ва илк бор 1966 йилда «Барселона» президенти Энрике Льоде ташаббуси билан йўлга қўйилган. Трофей клуб асосчиси ва афсонавий президент Жоан Гампер шарафига номланган.













