«Ливерпуль» ёзги трансфер ойнасида ярим ҳимоячи Кёртис Жонс билан хайрлашиши мумкин.

Инглиз футболчисининг шартномаси 2027 йилнинг ўрталарида якунига етади, уни узайтириш бўйича музокаралар эса муваффақият келтирмади. Нуфузли инсайдер Фабрицио Романонинг маълумотига кўра, 25 ёшли футболчининг яқинлашаётган мавсумлар оралиғида жамоани тарк этиш эҳтимоли анча юқори. Унга қишда ҳам даъвогарлик қилган Миланнинг «Интер» клуби қизиқиш билдирмоқда. Шунингдек, Премьер-лиганинг бир нечта номи ошкор этилмаган клублари ҳам ушбу пойгада иштирок этмоқда.

Кёртис Жонснинг қиймати Transfermarkt портали томонидан 35 миллион еврога баҳоланган. Жорий мавсумда хавбек «Ливерпуль» сафида барча мусобақаларда 45 та ўйинда майдонга тушиб, ўз ҳисобига иккита гол ва учта голли узатмани ёздириб қўйди.