1-майдан 4-майга қадар Англия Премьер-лигасида 35-тур ўйинлари бўлиб ўтади. Учрашувларнинг катта қисми мухлислар ўрганиб қолган вақтларда белгиланган. Бироқ «Челси» ва «Ноттингем Форест» ўртасидаги баҳс алоҳида эътиборни тортмоқда, чунки Лондондаги ушбу ўйин душанба куни, 4-майда, маҳаллий вақт билан соат 15:00 да (Тошкент вақти билан 19:00 да) бошланади.

Душанба куни бу қадар эрта вақтда ўйин ўтказилиши, шубҳасиз, ғайриодатий ҳолдир. Аммо бир жиҳат тақвимдаги бу ҳолатга ойдинлик киритади — 4 май Англияда дам олиш куни ҳисобланади. Бу эса Премьер-лигага жадвални шакллантиришда мослашувчан ёндашиш имконини берди. «Ноттингем Форест» иштирокидаги ўйиннинг душанбага кўчирилишига жамоанинг пайшанба куни Европа Лигаси ярим финалида «Астон Вилла»га қарши майдонга тушгани сабаб бўлди.

Айтганча, «Астон Вилла» ҳам ўз ўйинини якшанба куни одатдагидан фарқли вақтда — маҳаллий вақт билан 19:00 да (Тошкент вақти билан 23:00 да) бошлайди. Одатда Англияда якшанба оқшомида бу қадар кеч ўйинлар белгиланмайди.