Лондоннинг «Арсенал» клуби сардори Мартин Эдегор Чемпионлар лигаси ярим финали доирасида Мадриднинг «Атлетико» жамоасига қарши бўлиб ўтадиган жавоб учрашувини ўтказиб юбориш хавфи остида қолди.

Ярим ҳимоячи чоршанба куни Мадридда бўлиб ўтган дастлабки ўйиннинг (1:1) 57-дақиқасида алмаштирилган эди. Arsenal Radar берган маълумотга кўра, норвегиялик футболчи навбатдаги жароҳатини олган. Клуб 27 ёшли ўйинчининг ҳолатини Премьер-лиганинг навбатдаги тури доирасидаги «Фулхэм»га қарши баҳс олдидан баҳолайди. Агар воқеалар ривожи салбий кўриниш олса, хавбек нафақат шанба кунги «дала ҳовли эгалари» билан ўйинни, балки 5 май куни Лондонда «матрасчилар»га қарши кечадиган ярим финал жавоб жангини ҳам ўтказиб юборади.

Мартин Эдегор бутун мавсум давомида тиззасидаги муаммолардан азият чекмоқда. У жорий мавсумда 32 бор майдонга тушиб, битта гол ва еттита голли узатмани амалга оширди.