«Монако» ҳужумчиси Ансу Фати бўлажак жаҳон чемпионатида Испания терма жамоаси сафида иштирок этиш умидидан воз кечгани йўқ. «Барселона»дан ижарага олинган футболчи Франциядаги жорий мавсумни муносиб тарзда ўтказмоқда ва «қизил фурия» устози Луис де ла Фуэнте уни мундиал учун якуний қайдномага кириши мумкин бўлган футболчиларнинг кенгайтирилган рўйхатига киритди. Журналист Лая Тудельнинг қайд этишича, Фатининг яқинлари 23 ёшли форварднинг таркибга тушиш эҳтимоли юқори эмаслигини тушунишса-да, бундай сценарийни имконсиз деб ҳисоблашмаяпти.
Ансу Фати «Монако» сафида жорий мавсумда 27 та ўйинда майдонга тушиб, ўз ҳисобига ўнта гол ёздириб қўйди. «Барса» тарбияланувчиси Испания миллий терма жамоасидаги сўнгги учрашувини 2023 йилнинг октябрь ойида ўтказган эди.
