«Бавария» марказий ҳимоячиси Ким Мин Жэ А Серия топ-клублари эътиборида қолмоқда.
Жанубий кореялик футболчига бўлган қизиқиш ҳақида инсайдер Фабрицио Романо хабар бермоқда. Унинг маълумотларига кўра, 29 ёшли ўйинчини ўз сафига қўшиб олишга, айниқса, «Ювентус» катта қизиқиш билдирмоқда. Бироқ муаммо ҳамон ўша-ўша: Кимнинг маоши ҳар қандай Италия гранди учун жуда юқори — трансфер амалга ошиши учун у маошининг сезиларли қисмидан воз кечишига тўғри келади. Шу билан бирга, маълум бўлишича, «Бавария» келаётган ёзда марказий ҳимоячи борасидаги таклифларни кўриб чиқишга тайёр.
Ким Мин Жэ 2023 йилнинг ёзида «Наполи»дан «Бавария»га ўтган эди. Неаполликларнинг собиқ юлдузининг айни дамдаги бозор қиймати Transfermarkt талқинига кўра 25 миллион еврони ташкил қилади.
