«Марсель» ҳужумчиси Мэйсон Гринвуд «Пари Сен-Жермен» қизиқишлари доирасига тушди.
Англиялик футболчи Францияда яна бир ажойиб мавсумни ўтказди – эндиликда уни мунтазам равишда топ-клубга ўтиши мумкинлиги ҳақида ёзишмоқда. Журналист Экрем Конурнинг маълумотларига кўра, «ПСЖ» ҳужумчи учун курашга киришишга тайёр. Бироқ футболчининг нархи трансферга тўсқинлик қилиши мумкин: «провансалликлар» ўз юлдузи учун 80 миллион евродан кўпроқ маблағ талаб қилишлари кутилмоқда.
Мэйсон Гринвуд жорий мавсумда «Марсель» сафида 42 та ўйинда майдонга тушиб, 25 та гол ва 10 та голли узатмани ўз ҳисобига ёздириб қўйди. Transfermarkt экспертлари «Манчестер Юнайтед» тарбияланувчисининг қийматини 55 миллион еврога баҳоламоқда.
