«Манчестер Сити» ярим ҳимоячиси Бернарду Силва «Барселона»га ўтишни истамоқда, бироқ бошқа вариантни ҳам кўриб чиқмоқда. «Шаҳарликлар» сардори «кўк-анорранглилар»га устуворлик берган ва Каталония грандидан аниқ қадамлар кутмоқда. Шунга қарамай, инсайдер Николо Скиранинг хабар беришича, «Ювентус» ҳам курашдан чиққани йўқ.
«Бьянконери» португалиялик футболчига «2+1» кўринишидаги ва «рақобатбардош» иш ҳақи кўзда тутилган шартнома таклиф қилди. Катта эҳтимол билан, агар «Барса»га ўтиш амалга ошмаса, футболчи туринликлар билан музокара ўтказади. Бернарду Силва «Манчестер Сити» билан якунланаётган шартномасини узайтирмайди, шу сабабли у эркин агент сифатида бошқа клубга ўтиши мумкин бўлади.
