«Manchester Siti» yarim himoyachisi Bernardu Silva «Barselona»ga o‘tishni istamoqda, biroq boshqa variantni ham ko‘rib chiqmoqda. «Shaharliklar» sardori «ko‘k-anorranglilar»ga ustuvorlik bergan va Kataloniya grandidan aniq qadamlar kutmoqda. Shunga qaramay, insayder Nikolo Skiraning xabar berishicha, «Yuventus» ham kurashdan chiqqani yo‘q.
«Byankoneri» portugaliyalik futbolchiga «2+1» ko‘rinishidagi va «raqobatbardosh» ish haqi ko‘zda tutilgan shartnoma taklif qildi. Katta ehtimol bilan, agar «Barsa»ga o‘tish amalga oshmasa, futbolchi turinliklar bilan muzokara o‘tkazadi. Bernardu Silva «Manchester Siti» bilan yakunlanayotgan shartnomasini uzaytirmaydi, shu sababli u erkin agent sifatida boshqa klubga o‘tishi mumkin bo‘ladi.
