Бельгиялик футболчи Раджа Наингголан мураббий Лучано Спаллетти ва унинг «Ювентус»ини мақтади. 37 ёшли ярим ҳимоячининг сўзларига кўра, агар амалдаги бош мураббий мавсум бошиданоқ ўз лавозимида бўлганида, «бьянконерилар» учун ҳаммаси анча яхши кечган бўларди.
«Мен Спаллеттини яхши кўраман — унинг ўйин услуби, жамоа билан ишлаши ва гапириш тарзи учун. Айнан «Ювентус» ҳозирда Италияда энг яхши футбол намойиш этмоқда. Агар Лучано жамоани мавсум бошланишидан олдин қабул қилиб олганида, ҳозир «Юве» «Интер» билан скудетто учун курашаётган бўларди», — дея журналист Николо Скира Наингголаннинг сўзларини келтирмоқда.
Лучано Спаллетти октябрь ойи охирида истеъфога чиқарилган Игор Тудорнинг ўрнини эгаллаб, «Ювентус» бошқарувини қўлга олган эди.
