«Барселона» бош мураббийи Ханс-Дитер Флик яқин орада янги шартномага қўл қўяди. Испания ОАВлари тарқатган бу маълумотни эндиликда нуфузли инсайдер Фабрицио Романо ҳам тасдиқлади.
Германиялик мутахассиснинг янги келишуви 2028 йилнинг ёзига қадар мўлжалланган бўлади. Шунингдек, шартномага уни яна 12 ойга автоматик тарзда узайтириш бандини киритиш ҳам режалаштирилган. Яқин вақт ичида 61 ёшли мураббийнинг манфаатларини ҳимоя қилувчи агент Пини Захави Каталония клуби билан музокаралар ўтказади — томонлар келишувнинг сўнгги деталларини ҳал қилишга ҳаракат қилишади.
Флик 2024 йилнинг ёзида Хави Эрнандеснинг ўрнини эгаллаб, «Барселона» бош мураббийи лавозимида иш бошлаган эди.













