Ўзбекистон терма жамоасида энг кўп ўйин ўтказган футболчи Сервер Жепаров Sports.kz нашрига берган интервьюсида Абдуқодир Ҳусанов Ўзбекистон тарихидаги энг яхши футболчига айланиш имконияти бор-йўқлиги ҳақида фикр билдирди ва унинг асосий фазилатини алоҳида таъкидлади.

— Унда бундай даражага чиқиш учун жуда катта имкониятлар бор, вақт кўрсатади. Шахсан мен унга муваффақиятли фаолият ва кўплаб совринлар тилайман. Абдуқодирнинг ўзига хос жиҳати — унинг меҳнаткашлиги, — деди мутахассис.

Қайд этиш жоиз, жорий мавсумда 22 ёшли Ҳусанов «Манчестер Сити» сафида барча мусобақаларда 32 та учрашувда иштирок этди. Шунингдек, у инглиз гранди таркибида илк соврини — Англия лига кубогини қўлга киритди.