Бильбаонинг «Атлетик» клуби ва Испания терма жамоаси юлдузи Нико Уильямс ёзги трансфер ойнасининг энг асосий юлдузларидан бирига айланиши кутилмоқда. The Sun Football нашри тарқатган хабарга кўра, «Ливерпуль» футболчи учун катта маблағ тикишга қарор қилган.
«Ливерпуль»нинг жиддий қадами
Мерсисайдликлар 21 ёшли вингернинг трансфери учун 80 миллион евро сарфлашга тайёр. Клуб раҳбарияти Нико Уильямсни жамоа ҳужум чизиғини кучайтира оладиган ва узоқ йиллик истиқболга эга бўлган ўйинчи сифатида кўрмоқда. Айниқса, жамоанинг асосий юлдузлари атрофидаги трансфер миш-мишлари фонида бундай юқори даражадаги харид «Ливерпуль» учун жуда муҳим ҳисобланади.
«Арсенал» ҳам бўш келмоқчи эмас
Бироқ «Ливерпуль» бу курашда ёлғиз эмас. Лондоннинг «Арсенал» клуби ҳам испаниялик иқтидор эгасига жиддий қизиқиш билдирмоқда. Микель Артета жамоаси ҳужумдаги рақобатни ошириш мақсадида Уильямс номзодини кўриб чиқмоқда. Икки инглиз гранди ўртасидаги рақобат футболчининг нархи янада кўтарилишига сабаб бўлиши мумкин.
