Шанба оқшомида «Арсенал» «Фулхэм»га қарши дерби учрашувини ўтказади. Лондонликлар бош мураббийи Микель Артета «дала ҳовлиличилар» устози Марку Силванинг ишига юқори баҳо берди.
«Марку Силва ажойиб ишни амалга оширмоқда. Мен уни АПЛнинг энг яхши мураббийларидан бири деб ҳисоблашимни кўп марта айтганман. Унинг жамоаларини қандай шакллантириши ва ўз клуби учун қилган ишлари — шунчаки ақл бовар қилмайдиган даражада. Шу сабабли, эртага бизни жуда оғир ўйин кутаётганини тушуниб турибмиз», — деди Артета матбуот анжуманида.
«Арсенал» ва «Фулхэм» ўртасидаги Премьер-лига баҳси 2 май куни Тошкент вақти билан соат 21:30'да бошланади.
