«Барселона» ва «ПСЖ» клубларининг собиқ ҳужумчиси, 2022 йилги жаҳон чемпиони Лионель Месси фаолияти давомида қатнашган финал ўйинлари сонини билмаслигини маълум қилди.
– Сиз нечта финалда иштирок этганингизни биласизми?
– Ростини айтсам, йўқ.
– Демак, сиз жами 43 та финалда қатнашгансиз. Бир неча кун олдин футбол тарихида финалларда энг кўп гол урган ва клуб миқёсида энг кўп соврин юртган ўйинчи эканлигингиз ҳақида ўқидим. Сиз шунчаки «йиртқич»сиз.
– Мен рақобатни яхши кўрадиган инсонман. Ғалаба қозонишни хуш кўраман, шунинг учун шунчаки ҳаракат қиламан. Доимо ҳаракат қиламан, — дея Мессининг сўзларидан иқтибос келтирмоқда The Touchline аккаунти ўзининг Х ижтимоий тармоғидаги саҳифасида.
