Душанба куни «Манчестер Сити» Премьер-лига доирасида «Эвертон»га қарши сафар ўйинини ўтказади. «Шаҳарликлар» бош мураббийи Хосеп Гвардиола бўлажак учрашув ҳақида ўз фикрларини билдирди.

«Эвертон» — қийин рақиб ва улар доим шундай бўлиб келган. У ерда ўйнаш бироз ғалати бўлади, чунки «Эвертон»нинг эски стадиони жуда ажойиб ва ёқимли, ҳақиқий британча руҳда эди. У ерга боришни яхши кўрардим, лекин янги стадионни ҳам интиқлик билан кутяпман. Улар жуда яхши ҳимояланишади. Мойес нима қилиш кераклигини аниқ билади. «Этихад»даги баҳс тақдирини икки-учта вазият ҳал қилганди, унда биз энг яхши ҳолатимизда эмасдик. Ҳозир эса ўйинимиз яхшиланди ва умид қиламанки, бундан фойдалана оламиз», — деди Гвардиола матбуот анжуманида.

«Эвертон» ва «Манчестер Сити» ўртасидаги учрашув 4 май куни Тошкент вақти билан соат 00:00 да бошланади.