Чап қанот ҳимоячиси Майлз Льюис-Скелли ва ҳужумкор ярим ҳимоячи Итан Нванери Лондоннинг «Арсенал» клубини тарк этиши мумкин. «Тўпчилар» раҳбарияти ҳар икки ёш юлдуз бўйича таклифларни кўриб чиқишга тайёр, деб хабар бермоқда The Sun.
Клуб тарбияланувчиларининг сотилиши молиявий ҳисоботларда соф фойда сифатида қайд этилади, шу сабабли бу клуб учун жуда фойдали ҳисобланади. Лондон гранди трансфер бюджетини кўпайтириш мақсадида ушбу имкониятдан фойдаланиши мумкин.
Transfermarkt экспертларининг баҳосига кўра, Льюис-Скеллининг нархи 35 миллион, Нванериники эса 40 миллион еврони ташкил этади. Ҳар икки футболчи ҳозирда 19 ёшда.
Эслатиб ўтамиз, Нванери жорий мавсумнинг иккинчи ярмини Франциянинг «Марсель» клубида ижара асосида ўтказмоқда.
