«Челси» ҳужумчиси Марк Гиу Англияда ўзини кўрсата олмади. «Кўклар» ёш испанияликни 2024 йилнинг ёзида «Барселона»дан ўз сафига қўшиб олган эди. Янги жамоасида ҳужумчи асосий таркибга яқинлаша олмади, шу сабабли кетиш ҳақида жиддий ўйламоқда.
Mundo Deportivo маълумотларига кўра, Гиу Испанияга қайтишни истамоқда. «Челси» раҳбарияти эса футболчини Премьер-лиганинг бошқа бир клубига ижарага беришни афзал кўрмоқда, бироқ Маркнинг ўзи Ла Лига жамоаларидан бирида ўз кучини синаб кўриш умидида.
Transfermarkt портали «Барса» тарбияланувчисининг нархини 12 миллион еврога баҳоламоқда. Жорий мавсумда 20 ёшли футболчи майдонда 16 бор кўриниш берди ва ўз ҳисобига 3 та гол ҳамда 2 та голли узатмани ёздириб қўйди.
