«Атлетико» Мадрид раҳбарияти «Барселона» даъвогарлик қилаётган ҳужумчи Хулиан Альваресни жамоада олиб қола олишларига ишонишмоқда. «Матрасчилар» мавсум якунланиши билан аргентиналик футболчи билан янги шартнома бўйича музокараларни бошлашни режалаштириб қўйган.
Журналистлар Маттео Моретто ва Решад Раҳманнинг маълумотларига кўра, Альвареснинг ўзи «Барса»га қўйиб юборишларини сўраш эҳтимоли жуда паст. Агар шундай ҳолат юз берса ҳам, Мадрид клуби ҳужумчи учун тахминан 100-110 миллион евро талаб қилади.
Хулиан Альварес жорий мавсумда Диего Симеоне жамоаси сафида 48 та ўйинда майдонга тушиб, 20 та гол урди ва 9 та голли узатмани амалга оширди. 26 ёшли футболчининг «Атлетико» билан амалдаги шартномаси 2030 йилгача мўлжалланган.
