Миланнинг «Интер» клуби марказий ҳимоячиси Алессандро Бастони «Барселона»га ўтиши бекор бўлишидан қўрқмоқда. «Кўк-анорранглилар» трансфер шартлари бўйича «нерадзурри» билан келишувга эришишдан ҳали йироқ, шу сабабли бозордаги бошқа вариантларни ўрганишмоқда.
«Тоттенхэм» аъзоси Кристиан Ромеро Бастонига асосий муқобил вариант сифатида кўрилмоқда. Sport нашрининг хабарига кўра, Бастони «Барса»нинг «шпорлар» сардорига бўлган қизиқишидан «ҳайрон қолган» ва «хавотирга тушган».
Италиялик ҳимоячи Каталония клуби сафига қўшилишни жуда истайди ва аллақачон ўтишга розилик берган. Хабар қилинишича, Бастони кетиш истагини омма олдида эълон қилмайди, бироқ трансфер нархини тушириш мақсадида «Интер» раҳбариятига бевосита мурожаат қилиши мумкин.
