Milanning «Inter» klubi markaziy himoyachisi Alessandro Bastoni «Barselona»ga o‘tishi bekor bo‘lishidan qo‘rqmoqda. «Ko‘k-anorranglilar» transfer shartlari bo‘yicha «neradzurri» bilan kelishuvga erishishdan hali yiroq, shu sababli bozordagi boshqa variantlarni o‘rganishmoqda.

«Tottenxem» a’zosi Kristian Romero Bastoniga asosiy muqobil variant sifatida ko‘rilmoqda. Sport nashrining xabariga ko‘ra, Bastoni «Barsa»ning «shporlar» sardoriga bo‘lgan qiziqishidan «hayron qolgan» va «xavotirga tushgan».

Italiyalik himoyachi Kataloniya klubi safiga qo‘shilishni juda istaydi va allaqachon o‘tishga rozilik bergan. Xabar qilinishicha, Bastoni ketish istagini omma oldida e’lon qilmaydi, biroq transfer narxini tushirish maqsadida «Inter» rahbariyatiga bevosita murojaat qilishi mumkin.