«Челси» клуби 2026/27 йилги мавсумда ўз формасида клублар ўртасидаги Жаҳон чемпионати ғолиби эмблемасини қолдириш бўйича Премьер-лигага сўров юборди. Бу ҳақда «The Telegraph» нашри хабар бермоқда.
Лондонликлар ўтган йилнинг июль ойида КЖЧ финалида «ПСЖ»ни 3:0 ҳисобида мағлуб этишган эди. Жорий мавсумда жамоа ушбу белги билан ўйинларда иштирок этмоқда. ФИФА қоидаларига кўра, йирик турнир ғолибларига кейинги мусобақагача, яъни тўрт йил давомида ушбу эмблемадан фойдаланиш ҳуқуқи берилиши мумкин.
Бироқ, эмблемани формага жойлаштириш дизайнда маълум қийинчиликлар туғдиради. У клуб логотипи ва «Nike» белгиси орасидаги чекланган жойга ўрнатилиши керак. Ҳозирда АПЛда 8-ўринда бораётган «Челси» учун бу рамз Жаҳон чемпиони мақомини ифодаловчи муҳим детал ҳисобланади.
