«Ал-Қодисия» бош мураббийи Брендан Роджерс Саудия Арабистони чемпионатининг 31-тури доирасида бўлиб ўтадиган «Ан-Наср»га қарши ўйин олдидан ўз фикрлари билан ўртоқлашди.
«Роналду фантастик мавсумни ўтказмоқда, бироқ «Ан-Наср» фақатгина Криштианудан иборат эмас. У ерда Садио Мане бор — у Премьер-лигада мен дуч келган энг яхши футболчилардан бири. Шунингдек, жуда тезкор бўлган Кингсли Коман ва уларнинг ортида ўйинни бошқарадиган Жоау Феликс бор. Биз жуда эҳтиёткор бўлишимиз керак», — деди Роджерс.
Айни дамда «Ан-Наср» 79 очко билан турнир жадвалида пешқадамлик қилмоқда. Роджерс бошчилигидаги «Ал-Қодисия» эса 65 очко билан тўртинчи ўринда бормоқда. Икки жамоа ўртасидаги баҳс якшанба куни бўлиб ўтади.
