«Манчестер Юнайтед» бош мураббийи Майкл Кэррик ярим ҳимоячи Кобби Майну янги шартнома имзолаганидан сўнг футболчининг ўйинига ижобий баҳо берди.
«Бу ерга келганимдан бери Коббининг ўйини мени жуда ҳайратда қолдирмоқда. Уни анчадан бери турли соҳаларда танийман. У ушбу клубнинг ҳақиқий тимсолидир: академияни битириб чиққан, клуб билан нафас оладиган ва ўз иқтидорини намойиш этаётган ёш футболчи. Охирги бир неча ўйинда у ажойиб ҳаракат қилди. Ҳамма, шу жумладан мен ҳам бундан хурсандмиз, чунки у янги шартномага муносиб эди», деди Кэррик.
30 апрель куни «Манчестер Юнайтед» Майну билан 2031 йилгача мўлжалланган беш йиллик шартнома имзоланганини эълон қилди.
