«Арсенал» «Борнмут»нинг 19 ёшли ҳужумчиси Эли Крупини кузатиб бораётган Европанинг етакчи клубларидан бири бўлиб турибди. Шунингдек, ҳужумчига «Манчестер Юнайтед» ва «Манчестер Сити» клублари ҳам қизиқиш билдирмоқда. Бу ҳақда talkSPORT хабар бермоқда.
Манбанинг маълумотларига кўра, франциялик футболчининг шартномасида шартномани муддатидан олдин бекор қилиш (товон пули) ҳақидаги банд мавжуд эмас. 2025 йилнинг февраль ойида «Борнмут» Крупини «Лорьян»дан 10 миллион фунт стерлингга (11,6 миллион евро) сотиб олган эди.
Жорий мавсумда ҳужумчи барча турнирларда 31 та ўйинда иштирок этиб, 11 та гол уришга муваффақ бўлди. Крупининг клуб билан амалдаги меҳнат шартномаси 2030 йилнинг ёзига қадар мўлжалланган. Transfermarkt портали маълумотларига кўра, футболчининг бозор қиймати 40 миллион еврони ташкил этади.
