«Брентфорд» ҳужумчиси Игор Тьяго Европа грандлари эътиборига тушди. 24 ёшли футболчи 21 та гол билан Премьер-лига тўпурарлар пойгасида Эрлинг Холанддан кейин иккинчи ўринни эгаллаб турибди.
Бразилиялик футболчининг муваффақиятлари эътиборсиз қолмади: ESPN берган маълумотларга кўра, «Челси» ва Мадриднинг «Атлетико» клублари ҳужумчи борасида сўров юборишган. «Асаларилар» ўз юлдузи учун тахминан 90 миллион евро талаб қилиши кутилмоқда.
Игор Тьяго 2024 йилнинг ёзида Бельгиянинг «Брюгге» клубидан 33 миллион евро эвазига «Брентфорд»га ўтган эди. Умумий ҳисобда футболчи жорий мавсумдаги барча турнирларда 36 та ўйинда майдонга тушиб, 24 та гол ва битта голли узатмани ўз ҳисобига ёздириб қўйди.
