Лондоннинг «Арсенал» клуби бош мураббийи Микель Артета Деклан Райснинг жорий мавсумдаги муваффақиятлари ҳақида ўз фикрини билдирди. Англиялик ярим ҳимоячи яқинда мавсумдаги 50-ўйинини ўтказди — у деярли доим «канонирлар»нинг асосий таркибида майдонга тушмоқда.

«Бизга майдоннинг исталган нуқтасини ёпа оладиган футболчилар керак. Замонавий футбол айнан шу йўналишда ривожланмоқда. Агар сен ярим ҳимоячи бўлсанг — шунчаки ярим ҳимоячисан, «олтилик», «саккизлик» ёки «ўнлик» эмас. Агар биз мувозанатга эришмоқчи бўлсак, майдоннинг исталган қисмида устунлик қила оладиган, ўйиннинг ҳар бир фазасини назорат қилишни биладиган универсал футболчилар керак. Деклан шубҳасиз шу йўлдан бормоқда», — деди Артета матбуот анжуманида.

Бугун «Арсенал» ўз майдонида «Фулхэм»ни қабул қилади. Учрашув Тошкент вақти билан соат 21:30 да бошланади.