Португалиялик вингер Франсишку Консейсау ёзги трансфер ойнасида Туриннинг «Ювентус» клубини тарк этиши мумкин. Бу ҳақда Gazzetta dello Sport нашри хабар бермоқда.
Португалиялик футболчининг эҳтимолий кетиши сабабли, «кекса синьора» унинг позициясига янги ўйинчи қидирмоқда. Турин топ-клуби айни дамда Франциянинг «Марсель» жамоасида тўп сураётган инглиз вингери Мэйсон Гринвудни ўз нишонига олди. Футболчининг бозор қиймати 55 миллион еврога баҳоланмоқда.
Гринвуднинг провансалликлар билан шартномаси 2029 йил июнь ойи охиригача мўлжалланган. Лига 1 жорий мавсумида Мэйсон 29 та учрашувда майдонга тушиб, ўз ҳисобига 15 та гол ва 6 та голли узатмани ёздириб қўйишга муваффақ бўлди.
