Апрель ойи якунларига кўра Англия Премьер-лигасининг энг яхши футболчилари рамзий терма жамоаси эълон қилинди.

WhoScored нашри томонидан тузилган “Ой жамоаси”да турли клуб вакиллари ўрин олган. Дарвозабон сифатида “Лидс” вакили Карл Дарлоу энг юқори баҳоланган футболчилардан бири сифатида қайд этилди (7.58).

Ҳимоя чизиғида “Тоттенхэм”дан Педро Порро (7.60), “Вест Хэм”дан Константинос Мавропанос (7.79), “Ман Сити”дан Марк Гехи (7.69) ҳамда “Ноттингем Форест”дан Неко Уильямс (7.57) жой олди.

Ярим ҳимояда эса “Вест Хэм” аъзоси Жаррод Боуэн (7.99), “Манчестер Сити”дан Райан Шерки (8.02), “Манчестер Юнайтед”дан Каземиро (7.95) ва “Ноттингем Форест”дан Морган Гиббс-Уайт (8.01) юқори баҳоларга сазовор бўлган.

Ҳужум чизиғида “Ноттингем Форест” вакили Игор Жезус (7.49) ҳамда “Лидс” ҳужумчиси Доминик Калверт-Льюин (7.43) ўрин олган.