Аввалроқ, “Нефтчи” футбол клуби Ўзбекистон Республикаси Президентининг 2025-йил 21-августдаги “Ўзбекистонда футбол соҳасини рақамлаштириш ва оммавийлигини ошириш чора-тадбирлари тўғрисида”ги 262-сонли қарори асосида Фарғонадаги “Истиқлол” стадионида интеграциялашган кабеллаштириш дастурини биринчи бўлиб якунлагани ҳақида хабар қилинганди.
Футбол клублари мазкур қарор ижросини таъминлаш мақсадидаги ишларни давом эттирмоқда. Хусусан, “Арал”, ОКМК ва “Хоразм” клублари уй учрашувларини ўтказадиган ўйингоҳларда аллақачон кабеллаштириш юзасидан иш олиб борилмоқда ҳамда май ойининг иккинчи ярмида юқорида номлари санаб ўтилган клубларнинг стадионлари халқаро талабларга мос равишда футбол учрашувларини юқори сифатда ҳамда кўплаб ракурслардан тасвирга тушириш, шунингдек, VAR тизимининг марказлаштирилган тартибда ишлашини таъминлашга тайёр бўлади.













