Саудия Про-Лигасининг 2025/2026 йилги мавсуми 31-туридан ўрин олган «Ал-Ҳазм» ва «Ал-Ҳилол» жамоалари ўртасидаги учрашув ниҳоясига етди. Ар-Расс шаҳридаги «Al-Hazem Club Stadium»да бўлиб ўтган баҳсни черногориялик ҳакам Никола Дабанович бошқариб борди. Ўйин меҳмонларнинг 3:0 ҳисобидаги йирик ғалабаси билан якунланди.
Учрашувда илк голни 9-дақиқада Карим Бензема киритди. Иккинчи бўлимда, 82-дақиқада ҳужумчи Маркос Леонардо меҳмонларнинг устунлигини мустаҳкамлади. Баҳс якунида, 90+3-дақиқада ярим ҳимоячи Рубен Невеш пенальтини аниқ амалга ошириб, ҳисобни йирик кўринишга олиб келди.
Саудия Арабистони чемпионатининг 30 та ўйинидан сўнг «Ал-Ҳилол» 74 очко жамғариб, турнир жадвалида иккинчи ўринни эгаллаб турибди. «Ал-Ҳазм» эса 38 очко билан тўққизинчи поғонадан жой олган. Жадвални 79 очко билан «Ан-Наср» бошқариб бормоқда.
