Италия чемпионатининг 35-турида «Наполи» «Комо»ни мағлуб эта олмади, жамоалар голсиз дуранг қайд этишди. Неаполликлар устози Антонио Конте бу натижадан анча мамнун кўринади.
«Ўйин яхши ўтди, чунки «Комо»га қарши ёмон ўйнасангиз, натижа ҳам жуда ёмон бўлади. Улар ҳам жадвалда бизга яқин юришибди ва Чемпионлар лигаси йўлланмаси учун курашмоқда. Биринчи бўлимда бўшашдик, керакли босимни ўтказа олмадик. Иккинчи бўлимда эса вазиятларимиз кўпайди, ўйинни кучайтирдик», — дея Контенинг сўзларини келтирмоқда calcionapoli1926.it.
Кейинги турда «Наполи» «Кремонезе»га қарши майдонга тушади.
