Португалия Примейра лигаси 32-туридан ўрин олган «Порту» — «Алверка» учрашуви якунланди. Унда «аждарлар» 1:0 ҳисобида ғалаба қозонди. Ўйин Порту шаҳридаги «Драгау» стадионида бўлиб ўтди.

Ушбу учрашувдаги ягона голни 40-дақиқада Ян Беднарек киритди.

Бу натижадан сўнг «Порту» муддатидан аввал Португалия чемпионига айланди. Бу клуб тарихидаги 31-чемпионлик ҳисобланади. «Аждарлар» 32 та ўйиндан сўнг 85 очко билан турнир жадвалида пешқадам бўлиб турибди. Иккинчи ўринда шу миқдордаги ўйиндан кейин 76 очко жамғарган «Бенфика» жойлашган. «Алверка» эса 38 очко билан 9-поғонада бормоқда.

Португалия — Примейра. 32-тур
2026 йил 2 май, шанба. 22:30
«Порту» — «Алверка» 1:0
Гол: Беднарек, 40