«Борнмут» марказий ҳимоячиси Маркос Сенеси «Ливерпуль»нинг асосий трансфер мақсадларидан бири бўлиб турибди. Аргентиналик футболчи аллақачон ўзига янги клуб танламоқда — у мавсум якунланганидан сўнг «олчалар» сафини эркин агент сифатида тарк этади.

Инсайдер Маттео Мореттонинг таъкидлашича, «Ливерпуль» 28 ёшли футболчига жиддий қизиқиш билдирмоқда. Яқин вақт ичида томонлар навбатдаги музокараларни ўтказишади. Шунингдек, ўйинчига «Тоттенхэм» ҳам даъвогарлик қилмоқда.

Маркос Сенеси жорий мавсумда «Борнмут» сафида 35 та ўйинда майдонга тушиб, 5 та голли узатмани амалга оширди. Аввалроқ марказий ҳимоячига даъвогарлар қаторида «Барселона» ва «Ювентус» клублари ҳам тилга олинган эди.