«Тоттенхэм»нинг собиқ бош мураббийи Гарри Реднапп «Арсенал»нинг Лондон дербисидаги ғалабасидан сўнг ўз фикрлари билан ўртоқлашди. Микель Артета шогирдлари «Фулхэм»ни 3:0 ҳисобида мағлуб этди, голларга Виктор Дьёкереш (дубль) ва Букайо Сака муаллифлик қилишди.
«Арсенал»дан ажойиб ғалаба. Бугун ғалаба қозониш жуда муҳим эди. Жамоанинг бу ишни уддалагани, айниқса, биринчи бўлимдаги ўйини таҳсинга лойиқ. Майлз Льюис-Скеллининг майдонда кўриниши кутилмаган ҳол бўлди, аммо у дастлабки дақиқалардан бошлаб ҳақиқий энергия ва шижоат кўрсата олди. Бу қолган футболчиларга ҳам қўшимча куч ва хотиржамлик бағишлади. Ушбу ўзгариш учун Артета катта мақтовларга лойиқ», — дея экспертнинг сўзларидан иқтибос келтиради Sky Sports.
Ҳозирда «тўпчилар» 76 очко билан турнир жадвалида пешқадамлик қилмоқда. Иккинчи ўриндаги «Манчестер Сити» ҳисобида 70 очко мавжуд, бироқ «шаҳарликлар» захирасида яна 2 та ўйин бор.
