«Милан» ҳужумчиси Рафаэл Леау шу ёзда клубни тарк этиши мумкин. Марко Варинининг берган маълумотларига кўра, португалиялик футболчининг хизматлари «ПСЖ»га таклиф қилинган. Бироқ Париж клуби форвард билан шартнома имзолашдан бош тортган.
Ҳозирда фақат «Барселона» ва Англия Премьер-лигасининг бир нечта жамоалари футболчининг трансфери бўйича таклиф беришга тайёр. Рафаэл Леау 2019 йилда 49 миллион евро эвазига «Лилль»дан «Милан»га ўтган эди. Унинг «россонерилар» билан амалдаги шартномаси 2028 йилнинг 30 июнига қадар мўлжалланган.
Жорий мавсумда ҳужумчи «Милан» таркибида барча турнирларда 28 та ўйинда майдонга тушиб, 10 та гол урди ва 3 та голли узатмани амалга оширди. Transfermarkt портали Леаунинг бозор қийматини 65 миллион еврога баҳоламоқда.
