«Бавария» ярим ҳимоячиси Йозуа Киммих мудофаадаги муаммоларга қарамай, жамоа ўзининг одатий ўйин услубидан воз кечмаслигини маълум қилди.

«Биз «ПСЖ» билан ўйинга уч кун қолганда услубимизни ўзгартириб, мудофаага ётиб олмоқчи эмасмиз. Биз ғалаба қозонишимиз керак — ҳисоб 5:4, 3:2 ёки 1:0 бўлишининг аҳамияти йўқ. Бироқ, албатта, узоқ муддатли истиқболда вазиятни таҳлил қиламиз ва баъзи жиҳатларга тузатиш киритамиз. Бу аллақачон муҳокама қилинган», — дея Bayern & Germany Киммихнинг сўзларидан иқтибос келтирмоқда.

«Бавария» ва «ПСЖ» ўртасидаги жавоб учрашуви 6 май куни Мюнхенда бўлиб ўтади.