«Борнмут» ўз майдонида АПЛнинг 35-тури доирасида «Кристал Пэлас» устидан йирик ғалабага эришди — 3:0.

Мезбонлар 10-дақиқада Жефферсон Лерманинг автоголи эвазига ҳисобни очишди. 32-дақиқада Эли Жуниор Крупи пенальтини аниқ амалга ошириб, «Борнмут»нинг устунлигини мустаҳкамлади. Учрашувнинг 77-дақиқасида Райан ҳисобни йирик кўринишга олиб келди.

Бу ғалабадан сўнг «Борнмут» (52 очко) АПЛдаги мағлубиятсиз сериясини 15 та ўйинга етказди ва турнир жадвалида олтинчи ўринни эгаллаб турибди. «Кристал Пэлас» эса 43 очко билан жадвалнинг 15-поғонасидан жой олган.